Maluk le nain sira,
Assosiasaun Intelektual Uatolari iha ninian loron aniversario ba tinan 1, halao programa nebe furak los iha Uatolari. Uatolari mak desizaun final hodi realiza AIU nia programa. Ba primeiro aniversario ne, AIU konsege halo programa rua mak tuir mai ne, programa primeiro (1) halao programa doasaun ran iha Dili, no programa segundo (2) halao seminar nacional ho Natal conjunto iha Uatolari.
ida nee mak pazu ida nebe bele reforsa plano dezemvolvimentu ba Uatolari. iha dia 05 de Janeiru de 2015 programa ba segundu ne realiza. Iha Ministro ou Ministra balun mak prezente iha palestrasaun nasional ida ne mak Ministru Obras Publika Sr. Gastaun de Souja koalia konaba planuasaun obras publika nian ba Dezemvolvimentu Uatolari inkluindo be mos, eletrisidade, no stradas. iha mos Ministra Sosial Sra. Isabel Amaral nebe fahe informasaun ba comunidade uatolari konaba asistensia ba dezastre naturais no asuntus veteranus nian. Tuir mos iha reprejentante husi Ministerio Comersio Industria no Ambiente (MCIA) Sr. Jacinto Paijo iha nia diskursu koalia konaba plano dezemvolvimentu sector industria no agrikultor nian konaba produtu lokal. tuir Sr. Jacinto Paijo nia lian haktuir Uatolari iha potensia nebe bot ba produtu lokal, tamba ne esklarese katak iha quinto governo agora sei prepara loza produtu do povo, liu-liu Uatolari. "povu kuda governu sosa". Tuir mai mos Sekretaris Estadu Sr. Francisco Borulaku fahe informasaun konaba Politica Fortalicementu Institusional ba PDA, konaba plano strategia dezemvolvimentu iha rai Uatolari. Husi Seminariu ida nee nebe presente husi ekipa governu nian, iha mos husi parlamentu nia membru mak Sr. Manuel Gaspar ho Sra. Biloumali, no mos akompanha husi Komisaris Veteranus administrativo municipio Viqueque Sr. Neon Moris. Sra. Biloumali mak fo informasaun konaba asunto veteranus nian nebe reforsa husi Comisariu do veteranus municipio viqueque nian.
